Natyra e Shenjterimit (Pjesa 5)
“Zoti, Perendia yt, do ta rrethprese zemren tende dhe zemren e pasardhesve te tu, qe ti ta duash Zotin, Perendine tend, me gjithe zemer e me gjithe shpirt, dhe keshtu ti te jetosh.”
(Ligji i Perterire 30:6)
Pasionet
Parathenie
Egziston nje urdherim qe eshte mbi te tjeret, sepse ai e perfshin cdo urdherim tjeter biblik. “Ti do ta duash, pra, Zotin, Perendine tend, me gjithe zemer, me gjithe shpirt, dhe me tere forcen tende.” (Ligji i Perterire 6:5). E shohim nga teksti ne hyrje te ketij studimi se Perendia e rrethpret zemren, ne menyre qe ne ta duam Ate me te vertete.
Urdherimi per ta dashur Perendine
Vini re se Ligji i Perterire 6:5 nuk na urdheron qe, mbi te gjitha, t’i sherbejme Zotit, apo ta adhurojme Ate, apo t’i bindemi Atij, por qe ta “duam” Perendine. Urdherimi per ta dashur Perendine bazohet ne faktin se Ai na deshi i pari. “Ne e duam Ate, sepse Ai na deshi i pari” (1 Gjonit 4:19). Perendia nuk do te na kerkonte ta donim Ate me gjithe zemren tone, nese Ai nuk na deshi ne.
Veshtiresia perbrenda
Perse iu duket e veshtire disa besimtareve te shenjterohen dhe t’i perkushtohen Perendise? S’ka dyshim qe arsyeja eshte se ata nuk e duan Ate me te vertete dhe teresisht. Nese e duan Perendine ashtu sic thone, atehere, ne vend qe te jetojne si bota dhe te jene te vaket, ata duhet te tregojne bindje dhe dliresi zemre. Me nje dashuri te tille, cdo besimtar mund t’i hedhe syte larg te gjitha veshtiresive ne jeten e krishtere.
Rrethprerja e zemres
“Ne te cilin ju edhe u rrethprete me nje rrethprerje qe nuk u be me dore, por me rrethprerjen e Krishtit, me ane te zhveshjes se trupit nga mekatet e mishit” (Kolosianeve 2:11). Perendia e kryen kete rrethprerje, me qellim qe ne ta duam Ate me nje dashuri, qe ia kalon dashurise natyrale dhe te zakonshme.
Pali e nenkupton kete rrethprerje te zemres, kur ben fjale per shenjterimin tone. Ai perdor nje fjale shume te fuqishme ne gjuhen greke, per te pershkruar kete ceshtje. Kjo fjale nuk perdoret ne asnje vend tjeter pervecse ne Dhiaten e Re. Fjala “Apekdusis” perkthehet “te zhveshurit” ose “te hequrit”. Ajo ben fjale per te gjithe trupin, dhe jo vetem per nje pjese te rrethprerjes fizike.
Puna e shenjterise nuk mund te quhet e perfunduar, po qe se nuk perfshin te gjithe jeten. Vetem atehere mund ta duam Perendine ashtu sic duhet.
Perfundim
Kjo teme mund te duket sikur eshte shume e veshtire per t’u duruar. Fakti eshte se mishi gjithmone do te jete ne kundershtim me rrethprerjen e zemres. Po qe se nuk pastrohemi nga ajo gje qe na pengon prej se dashurit te Perendise me gjithe dashurine dhe pasionin tone, atehere do te vazhdojme te jemi te vaket dhe te lekundur ndaj Tij. Duhet ta lejojme Frymen e Tij te Shenjte te beje punen e Tij shenjteruese ne jetet tona.
per autorin:
Që prej 25 vjetësh, Gary J. Hall ka qenë pastor i kishës biblike “Fjala e Gjallë” në Liverpul të Mbretërisë së Bashkuar të Britanisë së Madhe. Ai u rrit si katolik, por në vitin 1973, në moshën 17-vjeçare, u bë besimtar i krishterë, duke e pranuar Krishtin si Zotin dhe Shpëtimtarin e Tij. Ai është diplomuar prej Bashkësisë së Shërbesave Ungjillizuese si shërbëtor i Fjalës së Perëndisë dhe tani është drejtor i Akademisë së kësaj bashkësie. Pastor Gary ka bërë vizita të shpeshta në Shqipëri, që prej 1993-shit. Ai i është mirënjohës Perëndisë për mundësitë e mrekullueshme që i ka dhënë, për të ndarë Fjalën e Tij me shqiptarët. Kisha biblike “Fjala e Gjallë” ka faqen e saj të internetit, e cila përmban studime dhe artikuj të ndryshëm në shqip. Vizitojeni tek www.LWBC.co.uk ose mund të shkoni direkt tek faqja në shqip, duke përdorur këtë adresë http://fjalaegjalle.2truth.com Magdalena (Magda) Maylam (mbiemri i vajzërisë “Gjoni”) është shqiptare me banim që prej 8 vjetësh në Liverpul të Anglisë. Lindur e rritur me frymën ateiste në Laç, afër Krujës, Magda, me inisiativën e prindërve të saj, filloi të mësojë anglisht që në moshën 7-vjeçare. Kur Shqipëria ia hapi dyert Ungjjillit të Jezus Krishtit, Magda e gjeti veten si përkthyese të misionarëve të ndryshëm, që vinin në qytetin e saj. Dalë nga dalë, Fjala e Perëndisë i depërtoi në zemër, duke e bindur për mëkatin dhe duke i dhënë jetës së saj kuptim e qëllim. Magda e pranoi Krishtin si Zotin dhe Shpëtimtarin e saj personal në moshën 15-vjeçare. Gjatë një vizite 8-mujore studentore në Denver, Kolorado të Shteteve të Bashkuara të Amerikës, Magda u pagëzua dhe e deklaroi hapur besimin e saj të ri në vitin 1995. Magda ka mbaruar fakultetin e Shkencave Shoqërore dhe Politike, duke studiuar si në Stamboll të Turqisë, ashtu edhe në Liverpul të Anglisë. Për momentin, ajo po studion për Diplomën në Teologji me Akademinë Ungjillore të Bashkësisë së Shërbesave Ungjillizuese në Angli. Magda është e martuar me Tarkuinin, besimtar anglez dhe trajner tenisi. Të dy janë anëtarë të kishës biblike “Fjala e Gjallë” në Liverpul. Ata kanë dy djem, Boaz dhe Kejleb, që përpiqen t’i rritin për Perëndinë dhe lavdinë e Tij. Ata i mirëpresin lajmet tuaja në adresën j4ver.magtar@virgin.net
